Ankunftszentrum Rahlstedt 

 

Gihîştin bo Hamburgê

Yekem, divê hûn navenda pêşwaziyê ya Rahlstedt agahdar bikin (Bargkoppelweg 66a).

Hûn ê li wir bên qeydkirin. Navenda pêşwaziyê dê yekem (belgeyên we yên gihîştinê) Ankunftsnachweis çêke ku pêwîst in ji bo serlêdana penaberiyê. Bi dirêjiya mameleyên qeydkirinê, navenda zanyariyên we yên kesane qeyd bike, wekî navê we, kişandina wêneyekî û girtina şoptiliyê. Piştre, navenda biryarê bide ka pêvajoya penaberiya we li kîjan dewleta federal a Alman pêk were. Hûn ê ji vê biryarê derhal bêne agahdarkirin.

Bi giştî, tu bandoreke we nîne li ser vê biryarê. Di gel vê yekê awarte jî hene, wekî nexweşiyên giran yan jî seqetiyek. Lewma jî piştrast bin ku we ev agahî jî nivîsîne.

2 Qeyda Yekem

Mameleyên penaberiyê ji bo derveyî Hamburgê

Eger mameleyên we yên penaberiyê li dewleteke cihê ya federal pêk werin, hûn ê derhal bêne agahdarkirin. Hûn Anlaufbescheinigung (belgeya mameleyan) di gel navnîşanekê werdigirin. Hûn serlêdana penaberiyê li vê navnîşanê dikin. Hûn ê bîletekê wergirin ji bo seyahatê.

Eger rêwîtiya we ya ji bo navenda diyarkirî heta roja din ne mumkun be, hûn ê bi şev li navenda pêşwaziyê bimînin. Hûn Ankunftsnachweisa xwe bes li navenda diyarkirî werdigirin.

Mameleyên penaberiyê li Hamburgê 

Eger mameleyên we yên penaberiyê li Hamburgê pêk werin, hûn ê derhal belgeyeke gihîştinê werbigirin. Piştrast bin ku navê we û dîroka jidayikbûna we ya li ser Ankunftsnachweisê rast e!

Êdî niha hûn bi awayekî resmî wek penaberekî/ê qeydkirî ne li Almanyayê. Di gel vê yekê we hê serlêdan nekiriye ji bo penabertiyê.

Ankunftsnachweis ji bo 1 hefteyê nirxdare. Eger hûn di nav  1 hefteyê de ji bo penaberiyê serlêdanê çênekin yan jî  hûn şexsen neçin  BAMF

(Ofîsa Federal ji bo Koç û Penaberiyê, Sachsenstraße 12-14, 20097  Hamburg) ji bo randewûya pilankirî, Ankunftsnachweis êdî derbasdar nîne Piştre divê hûn heta 6 mehan li navnîşana Ausländerbehörde, Hammer Straße 30-34 dirêj bikin.

Çawa ku hûn Ankunftsnachweisê werdigirin, heqê we heye ji bo bicihbûn, xwarin û lênêrîna bijîşkî. Her dem bila Ankunftsnachweisa we li ser we be û karta xwe ya ID kontrol bikin!

3 Muayeneya yekem

Li pey qeydkirinê, muayeneya we ya bijîşkî ya yekem dê li Bargkoppelstieg 10-14 bê kirin. Ev yek Röntgenuntersuchung (muayeneya X-ray), nimûneya xwînê û kurtemuayeneyeke fîzîkê jî li xwe digire. Bo nimûne, muayene girîng e ji bo tesbîtkirin û dermankirina nexweşiyên têger. Her wiha hûn dikarin bêne derzîkirin(get vaccinated).

Jin dikarin bijîşkên jin daxwaz bikin.

4 Penaberiya resmî û danişîn

Hûn serlêdana resmî ya penaberiya xwe dişînin ji bo xebatkareke/î Ofîsa Federal ji bo Koçber û Penaberan (BAMF) û Aufenthaltsgestattung (destûra rûniştinê) bi dest dixin. Her dem bila ev yek li ba we be!

DUBLIN III

Eger hûn jixwe li welatekî din qeydkirî bûna, hûn ê ji vê yekê bêne agahdarkirin. Eger hûn li wir qeydkirî bûna, bo nimûne şoptiliya we dê qeydkirî bûna. Sîstemeke hevpar a Ewrûpayê rê dide ku rayedarên alman qeydeke we ya berê ya li welatên din ên Ewrûpayê derxin. Dibe ku pêwîst bike hûn mameleyên xwe yên penaberiyê li welatekî din pêk bînin. Ji bo ku hûn vê yekê pêk bînin, we dibin wî welatî. Eger pêwîst kir, alîkariyê ji navendeke şêwirmendiyê bixwazin.

Danişîn krîtîk e ji bo mameleyên serlêdana penaberiyê. Li vir hûn dibêjin ka we ji bo çi welatê xwe terk kiriye. Ji ber ku ev danişîn bi taybetî girîng e, divê hûn xwe ji berê de amade bikin.

Hûn dikarin agahiyên zêdetir li ser danişînê peyda bikin li vir:
– Fîlm li ser mameleyên danişînê ji asylindeutschland.de: www.asylindeutschland.de/de/film-2/
– namîlke li ser mameleyên danişînê ji Informationsverbund Asyl und Migration e.V.: https://goo.gl/hd7Uwe

Biryarder û wergêrek beşdar dibe li danişînê. Hûn dikarin kesekê/î li gel xwe bînin eger hûn bixwazin. Di gel vê yekê, ev kes divê serê pêşîn li BAMF bê qeydkirin û divê beşdar nebe li mameleyên penaberiyê. Pêwîst nake ku parêzer û wasî ji berê de qeydkirî bin.

Eger hûn naxwazin li ser serpêhatiyên xwe yên bistrês biaxivin, ji kerema xwe BAMF agahdar bikin.

Li ser daxwazê, jin dikarin xwedî hevpeyvîner û wergereke jin bin.

5 Biryar

Penaberî :

Eger biryareke pozîtîf derkeve ji serlêdana we ya penaberiyê, hûn elektronischen Aufenthaltstitel (eAT) (destûra elektronîk a rûniştinê) werdigirin. Ev yek heq dide we ji bo kûrsên entegrasyonê û hûn dikarin dest bi kar bikin.

Statûya penaberiyê pêwîst e ji bo serlêdana pevgihîştina malbatî Piştî wergirtina statûya penaberiyê, di nav 3 mehan de, konsolxaneya xwe agahdar bikin ji bo hêsankirin hatina malbata we. Hûn dikarin bi awayekî online serlêdana xwe bişînin bo: https://fap.diplo.de/webportal/desktop/index.html#start an https://familyreunion-syria.diplo.de/webportal/desktop/index.html#start. Ji bo agahiyên zêdetir ka endamên malbata we kengî dikarin bêne Almanyayê, ji navendeke şêwirmendiyê pêşniyaran wergirin.

Not: pevgihîştina malbatê heta Adara 2018an tê taloqkirin ji bo saleke destûra rûniştinê (parastina subsidiary). Ji ber vê yekê, bi zûtirîn dem divê hûn serlêdana randewûyê li konsolxaneyên peywendîdar bikin. Di gel vê yekê, piştî wergirtina statûyê bi zûtirîn dem divê hûn biçin konsûltasyonekê, bi vî awayî hûn ji tu deadlinekê namînin.

Redbûna penaberiyê:

Eger serlêdana we ya penaberiyê bê redkirin, hûn dikarin îtîraz bikin ji bo vê redkirinê. Li gorî cureya redkirinê, sînora demê ji bo îtîrazkirinê bes hefteyek yan jî 2 hefte ne. Ji bo îddîayên nayên qebûlkirin yan jî bi awayekî zelal bêbingeh, sînor hefteyek e. Ji ber vê yekê, bi awayekê rêk û pêk mailên xwe kontrol bikin. Gava ku hate redkirin, divê hûn bi zûtirîn dem têkiliyê daynin li gel navendeke şêwirmendiyê. Eger na, hûn mecbûr in derhal welat terk bikin. Eger hûn li vê mecbûriyeta terkkirinê rîayet nekin, mumkun e hûn li gel dîportkirin (ango bi zorî vegerandin ji bo welatê we) û qedexeya têketinê rû bi rû bimînin.

Li gorî qanûna penabariya Alman, welatên Albanya, Bosna Hersek, Gana, Kosova, Makedonya, Montenegro, Senegal û Sirbistan welatên biewle tên hesibandin. Ji ber vê yekê, şansê serkeftinê ji bo serlêdaneke penaberiyê lawaz e. Di gel vê yekê, BAMF mecbûr e bi dîqet pêdeçûnê bike ji bo her serlêdaneke penaberiyê.

Hê biryar li ser nehatibe dayîn:

eger hûn derhal biryarekê ji bo serlêdana xwe ya penaberiyê wernegirin, ji bo 6 mehan hûn Aufenthaltsgestattung werdigirin. Dubare, ji kerema xwe piştrast bin ku navê we û dîroka jidayikbûna we rast e. Eger piştî sê mehan Aufenthaltsgestattunga we temam bû, divê ji bo dirêjkirinê hûn serlêdanê bikin li Ausländerbehörde, Hammer Straße 30-34.

Terkkirina dildarane: Eger hûn bixwazin vegerin welatê xwe yan jî ji ber redkirinê divê hûn vegerin, Flüchtlingszentrum, Adenauerallee 10 dikare konsûltasyonê dabîn bike û alîkariyê bike ji bo vegerê.

unterstützen.

Navendên şêwirmendiyê ji bo penaberan:

Ev navendên şêwirmendiyê alîkariyê ji bo mameleyên penaberiyê pêşkêş dikin. Konsûltasyon belaş û veşartî ye. Xebatkarên van navendên şêwirmendiyê bi gelek zimanên cuda cuda diaxivin. Her wekî ku hate behskirin, di navendên biçûktir de anîna kesekê/î ji bo wergerê ji bo nîqaşên destpêkê bifayîde ye.

flucht•punkt: Lutherhöhe 22 (in the Luthergemeinde Hamburg-Bahrenfeld building), +49 40 432500 80, www.fluchtpunkt-hh.de, Pêncşem 9:30 ê sibe heta 12:30 paşnîvro

Flüchtlingszentrum: Adenauerallee 10, +49 40 2840790, www.fz-hh.de, Duşem heta Înê: 9:00 sibe heta 1:00 paşnîvro, saetên vekirina zede ji bo rojên sêşem û çarşem saet 3:00 paşnîvro heta saet 5:00 paşnîvro, rojên çarşeman girtî ye

Café Exil: Spaldingstr. 41, +49 40 2368216, Duşem heta Pêncşemî: 8:00 sibe heta 2:00 paşnîvro, Înê: 8:00 sibe heta 1:00 paşnîvro, Çarşemê girtiye

Klinîka Qanûnî ya Penaberan: Şêwirmendiya hiqûqî ya belaş li ser Qanûna Dublinê, tevlîbûna malbatê, amadekariya ji bo lêkolîna penaberiyê û ji bo penaberên jinan, keç û LGBTI. Agahiyên zêdetir berdestin li: www.rlc-hh.de

Campus(Universität Hamburg): Von-Melle-Park 5 (VMP 5), Aufgang D, 2. Obergeschoss, Raum 2029. Dienstags und Mittwochs von 14-17 Uhr.

Altona -Thalia Theater: Gaußstraße 190, Donnerstag 15 – 18 Uhr.

Veddel (Poliklinik Veddel): Am Zollhafen 5b, Jeden 1., 3. und 5. Freitag des Monats 15-18 Uhr.

Frauenberatung (Poliklinik Veddel): Am Zollhafen 5b, Jeder 2. Freitag des Monats von 15-18 Uhr.

 12.06.2018

Print Friendly, PDF & Email